Kandidati i PD-së për Bashkinë e Dibrës Luan Haka ka shpërthyer në akuza ndaj bashkisë, zyrës arsimore, spitalit, drejtorisë së bujqësisë, OSHE-së, etj.
Sipas tij bashkia Dibër nuk ka mirëmbajtur rrugët, në shkolla nuk ka ngrohje, mungon kujdesi për spitalin rajonal, shumë fshatra janë pa energji elektrike, etj.
Postimi i Hakës:
“Në terr dhe të izoluar”
Prej më shumë se tre javësh fshatrat e Lurës, Selishtës, Kalasë së Dodës Sllovës të izoluar. Borë pas bore, dhe ngricat e temperaturat e ulëta kanë mbajtur të bllokuara shumë nga zonat e thella të Dibrës.
Asnjë përpjekje nga Bashkia për të hapur rrugët!
Asnjë përpjekje për të bërë të mundur mësimin normal në shkolla!
Asnjë përpjekje për tu mundësuar lëvizjen për në Spitalin e Peshkopisë!
Asnjë përpjekje për tu ardhur në ndihmë familjeve në nevojë, pjesa më e madhe e të cilëve vështirë se kanë 2 ditë bukë në “Magje” !
Asnjë përpjekje për tu ardhur në ndihmë fermerëve, që rezervat ushqimore për vagëtinë u kanë prekur fundin!
Sikur të mos mjaftonin këto era e fortë dhe bora ka dëmtuar telat dhe shtyllat duke i lënë në errësirë më shumë e se gjysmën e Dibrës.
OSHE në gjumë të thellë, kjo ndërrmarje nuk ka specialistë, ka militantë edhe më keq se drejtori i OSHE Rajoni Verior Mat, punëson militantë Matjanë, ndonëse në organikë duhet të jenë në Dibër, ndaj Dibra rrin në terr me javë të tëra.