Mbi 200 aktivistë të GreenPeace dhe Extinction Rebellion, janë arrestuar në aeroportin Schiphol-East në Holandë, nga ku ngriten dhe zbresin aeroplanët privatë.
Sipas zëdhënësit të policisë ky është numri më i madh i të arrestuarve ndonjëherë që janë prangosur në aeroportin e Schipolit.
Për t’i kapur ishin angazhuar qindra ushtarë e policë, kurse demonstruesit janë dërguar në lokacione të ndryshme të aeroportit dhe përreth tij. Disa prej aktivistëve janë legjitimuar e disa jo, pasi jo të gjithë kishin letërnjoftime me vete.
“E kuptojmë këtë me seriozitet të madh. Gjykata do të merr vendim dhe do të mësojmë se çfarë do të ndodhë me ta”, shtoi zëdhënësi i policisë.
Aktivistët e GreenPeace u ngjitën në objekte duke përdorur shkallët mobile, 500 prej tyre tentuan të ndalin aeroplanët që të ngritën në ajër. Disa prej tyre vozisnin biçikleta.