Një person denoncoi një ditë më parë se tre të rinj kanë vjedhur disa kokë lopë në fshatin Janjar, Bashkia Konispol. Denoncuesi raportonte se djemtë i qëllonin lopët me çifte dhe më pas i shisnin për mish.
Policia e Sarandës bëri me dije se në pranga ranë Mario Lame, 21 vjeç dhe Ardit Isufi, 26 vjeç, të dy banues në fshatin Shalës, kurse një tjetër është në kërkim.
Blutë njoftojnë se kanë kryer kontroll në banesën e Mario Lame, ku u gjetën dhe u sekuestruan 1 armë gjahu, që posedohej pa leje, disa fishekë dhe një kapuç për maskim.