Vllaznia ka regjistruar fitoren e parë në fazën përgatitore është duke zhvilluar në Slloveni.. Pasditen e sotme shkodranët e Edi Martinit triumfuan me rezultatin e ngushte 1-0 ndaj skuadrës se Superligës së Rumanise, UTA Arad. Golin e vetëm të ndeshjes e ka shënuar kapiteni Bekim Balaj që në minutën e 26-te.
Pas një rivenie anësore nga e majta e sulmit shkodran, topi ka shkuar në zonë tek sulmuesi shtatelartë që këtë here ka përdorur majën e kembës për të devijuar topin drejt rrjetës.
Javën e ardhshme ekipi shkodran do të ketë edhe një miqësore të fundit me rumunët e Petrolul dhe më pas do të kthehet në Shkodër për t’i dhënë dorën e fundit përgatitjeve për ndeshjet europiane.