Honoris Causa është titulli më i ri i nderit nga Misioni Diplomatik Amerikan për paqen që i jepet kardinalit Shqiptar, Dom Ernest Simoni Troshani.
Mirënjohës ndaj nderimit të shtuar për të, kardinali thotë se në të tilla raste 18 vitet e burgimit komunist shkojnë në harresë.
Troshani: Nuk kujtojnë vuajtjet. Vuajtjet janë një shprehje e dashnisë për të madhin zot edhe për me ndihmue të tjerët edhe gjithmon thotë shkrimi i shenjtë qoft bekue ai njeri që shpreson n’zot.
Që prej 19 nëntorit 2016 Dom Ernest Simoni Troshanit i është dashur që të shkëputet nga Shqipëria e të zhvendoset në Firence.
Edhe pse larg atdheut, ai nuk ka harruar asnjëherë çështjet kombëtare, si ajo e Kosovës, për të cilën ka shkëmbyer një bisedë me Papa Franceskun.
Troshani: Senjt At Papa më priti me një buzëqeshje të amël. I padenjë në emnin tem e prek ket popull bënte çdo mundësi për me e dhënë të drejtën për kët popull.
Gazetarja: Kishte një dritë jeshile për Kosovën?
Troshani: Shpresoj që po.
Por, një mesazh të qartë e ka edhe për politikën shqiptare.
Troshani: Drejtësia të mbretërojë ndër të gjitha. Atëherë natyrisht paqja vjen menjëherë. Është paqe e shpirtit, paqe e ekonomisë, është paqe e gëzimit. Për mbi të gjitha është paqe, dashni dhe drejtësi do të bëjë që ky popull të eci i lumtur përpara.”
Dom Ernest Troshani është 91 vjeç, 18 prej të cilave i ka vuajtur në burgjet komuniste. I arrestuar natën e Krishtlindjeve të 1963, ai ishte simbol i vuajtjes e persekutimit.
Për gjithë vuajtjet e dëshmuara, Papa Francesku e vlerësoi me titullin Kardinal Nderi. Që prej viteve 90, ai ushtron shërbesën e tij priftërore në shumë fshatra katolike.