Kryesocialisti dhe kryeministri Edi Rama, këtë të martë e ka nisur me një foto të kartës së re të anëtarësimit në PS. Sipas Ramës, kush zgjedh PS të përfshihet edhe në ripërtëritjen e familjes më të madhe politike të shqiptarëve.
Partia Socialiste ka nisur një tur takimesh në të gjithë Shqipërinë me organizatat e saj me në fokus anëtarësimet e reja brenda kësaj force politike. Rama ka kërkuar rienergjizim të të gjithë strukturave të PS, por edhe të gjithë procesit qeverisës. Më pas 15 mars-15 prill do të mbahen dhe zgjedhjet për kryetarët e degëve në PS.
”MIRËMËNGJES dhe me Kartën e Re të anëtarësimit në Partinë Socialiste, si edhe me ftesën që kush zgjedh PS të përfshihet edhe në ripërtëritjen e familjes më të madhe politike të shqiptarëve, duke u bërë pjesë e saj për ta bërë këtë vend krenarinë tonë më të madhe, ju uroj të gjithëve një ditë të mbarë”,-shkruan Rama.
