Studimi më i ri i Universitetit të Essex-it, pas ekzaminimit të më shumë se 500 njerëzve në pesë eksperimente, ju tregon nëse meritoni titullin e njeriut më të mërzitshëm në botë!
Nëse merreni me analiza të të dhënave, kontabilitet, pastrimi ose punoni në banka e ju pëlqen feja, gjumi apo të shikoni TV jeni padyshim pjesë e këtij grupi.
Studimi u botua për herë të parë në revistën akademike Personality and Social Psychology Bulletin dhe tregon punët e hobit më të mërzitshme si dhe punët më emocionuese.
Pesë punët më të mërzitshme:
1. Analiza e të dhënave
2. Kontabiliteti
3. Tatim/sigurim
4. Pastrimi
5. Bankier
Pesë hobit më të mërzitshëm:
1. Gjumi
2. Feja
3. Shikimi i TV
4. Vëzhgimi i kafshëve
5. Matematika
“Fatkeqësisht, disa njerëz perceptohen si të mërzitshëm. Pavarësisht nga rëndësia e mundshme që këto perceptime mund të kenë në jetën e përditshme, proçeset themelore psikologjike dhe pasojat e perceptimit të një personi si “të mërzitshëm” kanë qenë kryesisht të paeksploruara,” tha Dr. Wijnand i Departamentit të Psikologjisë i cili udhëhoqi eksperimentin.
Ai e nisi studimin për të eksploruar stigmën e mërzitjes dhe se si mund të ndikojë ajo në perceptimet e njerëzve.
Ai tha: “Ironia është të studiosh mërzinë është në fakt shumë interesante dhe ka shumë ndikime në jetën reale. Perceptimet mund të ndryshojnë, por njerëzit mund të mos kenë kohë për të folur me ata që kanë punë dhe hobi ‘të mërzitshëm’ dhe të zgjedhin t’i shmangin ato. Atyre nuk u jepet një shans për të provuar që njerëzit e kanë gabim dhe për të thyer këto stereotipe negative. Vetë fakti që njerëzit zgjedhin t’i shmangin ata mund të çojë në izolim social dhe në rritjen e vetmisë duke çuar në një ndikim vërtet negativ në jetën e tyre.”
Studimi tregoi edhe se ata që perceptohen si të mërzitshëm mund të jenë në rrezik më të madh të dëmtimit, varësisë dhe problemeve të shëndetit mendor. Dhe pavarësisht nga perceptimi negativ, shoqëria ka nevojë për njerëz që të kryejnë role të tilla si kontabiliteti dhe banka.
Pesë punët më emocionuese:
1. Artet skenike
2. Shkencë
3. Gazetari
4. Personel shëndetësor
5. Mësimdhënia