Ferdinand Xhaferri nënkryetari i Komisionit të Sigurisë së PD ka debatuar me moderatorin Ylli Rakipi.
Duke folur për bashkëpunimin me Sali Berishën, Xhaferri i kujtoi Rakipit se ka qenë bashkëpunëtor i tij që prej 1996-ës.
Pjesë nga debati:
Xhaferri: Nga 23 marsi deri më 20 prill PS ka shpërndarë 12 miliardë lekë çdo ditë.
Rakipi: Po pse hyre në zgjedhje?
Xhaferri: Ne bojkotuam zgjedhjet lokale.
Rakipi: Çfarë ke bojkotuar ti ke ikur në plazh dhe të mori për b*the një zyrtar amerikan.
Xhaferri: Në zgjedhjet lokale unë nga mëngjesi deri në darkë kam qenë në Durrës dhe PS në Durrës ka marrë minimumin historik të votave, 34 mijë vota.
Rakipi: Ti nuk shkove në zgjedhje, pastaj u tërhoqe, nxore njerëzit në rrugë, nuk të lanë gjë pa bërë dhe ti shkove në zgjedhje.
Xhaferri: Kjo ishte një marrëdhënie jo komode që ne kishim me faktorin ndërkombëtar.
Rakipi: Marrëdhënien me ndërkombëtarët për shkak të Berishës e kishe, që kishte 8 vite që luante me Ipad. Berisha e ka personale, e ka të keqe.
Xhaferri: Edhe ju keni qenë bashkëpunëtor i Berishës që nga viti 1996-të, edhe unë kam qenë bashkëpunëtor i tij. Nuk jam aspak komod kur ju më thoni nuk është mirë.
Rakipi: Meqë e përmende atë kohë do detaje se si të kemi marrë nga Durrësi ty? Si të bëri Mero Baze shkrimet…
Xhaferri: Çfarë shkrimesh? Unë të paktën një nga vlerat që kam në politikë është se jam bërë vetë me shpatullat e mia. Unë nuk jam komod kur thoni po i bie Berishës.