Mos u mendoni shumë gjatë se cili është ushqimi që duhet të gatuani për mesvaktin. Pastiçja përveçse është mjaft e shijshme dhe bëhet me produkte që të gjithë i kemi në shtëpinë tonë, është shumë e lehtë për t’u gatuar.
Përbërësit:300 gr pasta
arrë moskat
3 vezë
djath i bardhë
gjalpë
djath kaçkavall i grirë
400 ml qumësht
kripë
piper i zi
Fillimisht ziejmë pastën në ujë të valuar me kripë për gjysmën e kohës që duhet për tu gatuar plotësisht. Kjo pasi, pas përgatitjes do të gatuahen sërish në furrë. Në një enë të thellë, rrahim 2 vezë, teksa duke i përzier shtojmë edhe pak qumësht.
Pasi e kemi thërrmuar, hedhim djathin e bardhë, pjesën e mbetur të qumështit, pak kripë, pak piper, pak arrë moskat. I trazojmë derisa të kemi përfituar një masë homogjene. Më pas, këtë përzierje e vendosim në një tavë që më herët e kemi lyer me gjalp.
Shtojmë përzierjen e formuar më sipër dhe rregullojmë me pirun sipërfaqen. Vezën e rrahur më herët, të përzier me djathë kaçkavall dhe copëza gjalpi e shpërndajmë nëpër të gjithë sipërfaqen e pastiçes.
E vendosim në furrë në 180°C për rreth 20-25 minuta apo derisa të ketë marrë ngjyrë të kuqërremtë. Këshilohet të lihet të ftohet derisa përbërja të jetë e mpiksur. Në këtë mënyrë do të pritet më lehtë.