Këngëtarja e njohur Sia ka rrëfyer për herë të parë traumën që ka kaluar pas divorcit me ish-bashkëshortin e saj, Erik Anders Lang.
“Divorci ishte një periudhë kaq e errët dhe për 3 vite radhazi mbeta në shtrat dhe s’bëja dot asgjë në atë periudhë”, tha këngëtarja duke treguar kështu se kishte rënë në depresion.
Gjatë një interviste për “Zane Lowe” artistja tha se “koha e errët” e frymëzoi atë për albumin e saj “Reasonable Woman”.
“Dhe më në fund, rezultoi që kisha këngë mjaftueshëm për të bërë një album. Kështu që, unë thjesht u mbështeta tek ekipi që të më menaxhonte, për të më thënë se këngët ishin mjaft të mira, sepse unë nuk e besoja”, u shpreh artistja.