Këngëtarja shumë e dashur për publikun, Shyhrete Behluli në janar u bë me nip. Vajza e saj, Njomza solli në jetë një djalë të cilit ja vendosën emrin Ibrahim.
Njomza dhe bashkëshorti i saj kanë ftuar edhe kryeministrin e Kosovës, Ramush Haradinaj në festën e organizuar për ardhjen e djalit në jetë.
Ditën e sotme Haradinaj i ka dërguar një letër dhe një byzylyk prej ari nipit të porsalindur të Shyhretes.
“Të nderuar Naim dhe Njomza, jam i nderuar me ftesën që më bëni, për të marrë pjesë në gazmendin tuaj familjar, me rastin e lindjes së djalit tuaj, Ibrahimit. Në emrin tim dhe të familjes sime, ju shpreh urimet më të ngrohta dhe dëshirat më të mira për djalin, Ibrahimin. Pastë shëndet e jetë të gjatë dhe të rritet i lumtur pranë prindërve dhe më të dashurve të vet”, shkruhet në letrën me stemë të Republikës së Kosovës, mbi të cilën ka vendosur edhe byzylykun.