Presidentja e Bankës Qendrore Evropiane, Christine Lagarde tha se zvogëlimi i normave bazë të interesit në eurozonë do të ndodhë vetëm nëse BQE ishte e bindur se inflacioni do të arrinte objektivin prej 2%, duke zbehur kështu shpresat midis investitorëve për shkurtime të shpejta.
Ajo nuk mund të sugjeronte një datë.
“Por, nëse arrijmë 2%, siç presim për 2025 dhe të dhënat e konfirmojnë këtë në muajt e ardhshëm, unë kam shumë besim se normat e interesit do të bien”, tha Lagarde për ”France 2”.
Vëzhguesit e tregut kanë spekuluar kohët e fundit se BQE mund të zbatojë shkurtimin e parë në pranverë.
Por, deklaratat e fundit nga Lagarde dhe bankierë të tjerë qendrorë të BQE-së tregojnë se një lëvizje e tillë ka më shumë gjasa në verë.
Megjithatë, Boris Vujçiç, guvernatori i Bankës Kombëtare kroate tha se tregjet ishin ende shumë optimiste për kohën e uljes së parë të normës së interesit.
Anëtarja e bordit të BQE, Isabel Schnabel bëri komente të ngjashme të mërkurën, duke thënë se diskutimet mbi këtë temë janë të parakohshme.about:blank
Sipas Lagarde, eurozona nuk është në një rënie serioze dhe pjesa më e keqe e luftës kundër inflacionit ka përfunduar.
“Unë mendoj se kemi kaluar pjesën më të madhe dhe më të vështirë – përveç nëse përballemi me një tjetër tronditje të madhe”, tha ajo.