Ish-zv/kryeministri, deputeti i PS-së Erion Braçe ka treguar se është kërcënuar nga një person, me një sms që i është dërguar në telefonin e tij. Sipas Braçes, personi që e kërcënoi i identifikuar si zoti Çekrezi dhe se i kishte kërkuar të hiqte dorë nga mbrojtja e tokës së lumit Seman pranë fshatit Imshtë.
Deputeti socialist citon ligjin Nr 111/2012 “Per menaxhimin e integruar te burimeve ujore” dhe thotë se zona dhe distanca nga bregu është pronë e shtetit, e patjetërsueshme dhe menaxhohet nga strukturat shtetërore. Erion Braçe i thotë personit që e ka kërcënuar se ai nuk ka frikë.
Ai në tej shtoi se sot, një ditë më pas, policia në Lushnjë, ka thërrur katër banorë të fshatit Imshtë -më i riu 65 vjeç, më i vjetri 82 vjeç, për të njëjtën përmbajtje, siç kërcënimi ndaj tij. Deputeti socialist më tej i bën thirrje kërcënuesit të tij të shporret nga telefoni i tij ndërsa i bëri thirrje çdo strukture shtetërore të mos i bjerë ndesh interesit dhe pronës së shtetit në token e lumit Seman dhe çdo lumi tjetër sepse sipas do të jetë e rëndë përgjigja.
”Më kërkonte të mos jem ky që jam e të mos bëj punën që kam; domethënë të mos mbroj interesin publik dhe të mos përmbush detyrimet e mia ndaj njerëzve që më kanë votuar e më kanë dhënë këtë punë! Tani dëgjo pak; e para, unë nuk kam frikë nga kush, madje përballjen e kam mënyrë jetese; Edyta, për asnjë arsye private-përfshi dhe interesat e tua tregtare, nuk do tradhëtoja njerëzit, interesin publik e betimin e bërë në Kuvend”,-shkruan Braçe.