Aktorja Arjola Demiri e cila di të provokojë, është kritikuar nga ndjekësit e saj pas një postimi që ajo ka bërë së fundmi në rrjetet sociale. Artistja kërcen në mënyrë sensuale në kishë, ndërsa kjo gjë nuk u prit mirë nga fansat e saj, të cilët këtë veprim të aktores e vlerësuan të pahijshëm për tu bërë në një vend të shenjtë.
Arjola përmes një shkrimi në Instagram ka reaguar në lidhje me këtë situatë. Ajo sqaroi ndjekësat e saj duke thënë se në kishë ishte mbajtur një aktivitet i përvitshëm ku të ftuar ishin rreth 300 persona të cilët festuan, kënduan dhe kërcyen.
“Për të gjithë kto moralista që mban kjo tokë e sidomos këta që shohin veprimet e mija me lupë e i zmadhojnë e i bëjnë, Allahi na rujtë, veprimet e veta nuk i shohin se nuk ju del koha. Pikërisht në këtë kishë u mbajt aktiviteti i përvitshëm #albanianroots ku festuan kënduan e kërcyen rreth 300 të ftuar të gjithë shqiptar. Tani unë pse mos të kërceja apo vetëm unë jo se unë zbën po ikni ore shifni punët e juaja se na keni kënaqur fare me kto morale që s’di ku i bleni sa ju kushton kg se i shisni shtrenjtë a kshu i bleni shumë lirë”.
