Kombinimet e caktuara të vitaminave të cilat konsumohen nga miliona njerëz, mund të rrisin rrezikun nga sulmi në tru apo sëmundjet e zemrës. Këto janë rezultatet e një hulumtimi të ri amerikan.
Rreziku, ka të bëjë me kombinimin e kalciumit dhe vitaminës D. Ky kombinim rrit mundësinë e arterosklerozës. Përkatësisht kur vjen deri te grumbullimi i substancave yndyrore, kolesterina, pjesët e qelizave të vdekura dhe kalciumi në brendësinë e murit të arteries, transmeton Telegrafi.
Hulumtuesit amerikanë të udhëhequr nga profesori Salfi Hana, nga Fakulteti i Mjekësisë në Virxhininë Perëndimore, kanë publikuar hulumtimin në revistën “Annalsof Internal Medicine”. Në hulumtim kanë marrë pjesë më shumë se 277 njerëz. Këto njerëz, kanë vuajtur nga kjo arterosklerozë, ndërsa njëkohësisht kanë përdorur këtë kombinim vitaminash.
Konsumimi i kombinimit të vitaminës D dhe kalciumit për më shumë se 17% ka rritur mundësinë nga sulmi në tru.
Hulumtimi ka treguar që nuk ekziston kurrfarë lidhjeje midis sëmundjes kardiologjike dhe vitaminave A, B, C dhe D, beta-karotenit, kalciumit, hekurit, antioksidantëve dhe multivitaminave.
Vetëm thartira folike dhe omega 3 të thartirës yndyrore kanë pasur shumë pak ndikim në punën e zemrës.
Doktorë nga fakulteti i përmendur kanë këshilluar që vitaminat në formë shtesash në ushqim nuk bën të blihen.
– Njerëzit të cilët blejnë vitamina të këtilla për të përmirësuar punën e zemrës, vetëm çojnë dëm paratë e tyre, – ka përfunduar dr. Han.