Besimi se të gjitha ushqimet zgjasin më shumë në frigorifer është krejtësisht i gabuar, pasi me disa ushqime ndodh krejt e kundërta. Jo të gjitha produktet ushqimore janë të përshtatshme për t’u futur në frigorifer.
Qepë
Lagështia brenda frigoriferit bën që qepët të myken më shpejt. Mbajini ato jashtë frigoriferit në një vend të thatë dhe të freskët.
Edhe pse kafeja e ruan aromën e saj kur mbahet në temperatura të ulëta, mos e ruani kurrë në frigorifer. Nëse doni të ruani sasi të mëdha kafeje, atëherë vendosini në një kavanoz hermetik në një vend të freskët dhe të errët.
Borziloku
Borziloku nuk duhet të ruhet në frigorifer. Është e preferueshme ta vendosni në një gotë me ujë të ftohtë, siç do të vendosnit në çdo lule tjetër. Në frigorifer, vyshket më shpejt dhe thith aromat nga ushqimet e tjera.
Vaj ulliri
Vaji i ullirit nuk duhet të futet kurrë në frigorifer, përveç nëse doni ta shndërroni në gjalpë. Vaji në temperatura të ulëta fillon të kondensohet dhe të humbasë vetitë e tij. Mbajeni këtë në një vend të errët dhe të freskët.
Mjalti
Mjalti është ndoshta i vetmi ushqim që nuk prishet kurrë për sa kohë që mbahet i mbyllur mirë në temperaturë ambienti. Shmangni vendosjen e tij në frigorifer sepse do të humbasë strukturën e tij të butë dhe mund të prishet.
Buka
Buka në frigorifer thahet shumë shpejt dhe nuk mbetet e freskët dhe e butë. Është mirë ta mbani jashtë frigoriferit, përveç nëse janë feta buke të thekur, të cilat mund t’i vendosni në frigorifer për t’i ruajtur edhe për disa ditë të tjera.
Avokadot
Nëse doni që avokadot tuaja të piqen, atëherë nuk duhet t’i vendosni në frigorifer. Ky frut i veçantë piqet jashtë frigoriferit. Megjithatë, nëse përdorni gjysmën dhe doni ta ruani pjesën tjetër për më vonë, atëherë teprica mund të ruhet në frigorifer.
Patatet
Patatet nuk mbahen kurrë në frigorifer. Frigorifer do t’ua ndryshojë shijen dhe do t’i bëjë më të ëmbla, pasi mjedisi i ftohtë e shndërron niseshtenë në sheqer më shpejt. Në vend të kësaj, ruajini patatet në një qese letre në një vend të freskët – por jo të ftohtë.