Klubi i Futbollit “Burreli” ka hedhur hapat e parë të një bashkëpunimi me Klubin e Futbollit “Monza” të Italisë. Përfaqësues të ekipit italian zhvilluan një takim sot me Kryetarin e Bashkisë Mat, Agron Malaj dhe Administratorin e Klubit të Futbollit Burreli, Marjan Lleshaj.
Dy italianët Simone Tiribocchi dhe Mariano Vaccaro kanë parë infrastrukturën sportive të KF Burreli si dhe kanë ndjekur disa ndeshje të ekipeve të moshave. Kryetari i Bashkisë Mat, njëherësh president i KF Burreli, Agron Malaj tha se bashkëpunimi do të realizohet tek Akademia e Futbollit ku do të fokusohet përgatitja e talenteve të reja në sportin e futbollit.
Për drejtorin e akademisë së Monzës, ish lojtarin e disa ekipeve në Seria A si dhe ish trajner, Simone Tiribocchi (Tiriboki) tha se me profesionalizmin e teknikëve të tyre Akademia e KF Burreli do të prodhojë talente në futboll.
“Ne do të na pëlqente të krijonim një kurs sëbashku sepse e dimë që edhe vendi juaj të mund të përfitonte. Kemi disa persona këtu që na përfaqësojnë dhe ne i besojmë ato. Përveçse teknikët e duhur kemi edhe persona me vlera. Është një hap i mirë për të bërë sëbashku gjëra të mira. Nga ana teknike ne dimë se si tju ndihmojmë juve. Duhet të bëjmë binjakëzim kulturash dhe jemi shumë të lumtur që të arrijmë këtë lloj bashkëpunimi. Niveli i skuadrës tuaj është nivel i mirë, por niveli teknik dhe taktik kanë nevojë për përmirësim”, u shpreh Simone Tiribocchi.
Ky ishte takimi i parë mes përfaqësuesve të të dyja Klubeve, ndërsa në vazhdim pritet të arrihet edhe marrëveshja përfundimtare e bashkëpunimit