Ai e kishte mohuar ekzistencën e Covid deri në prill, ndërsa tani në Korenë e Veriut janë rreth 5 milionë njerëz të infektuar. Për presidentin Kim Jong-Un faji për covidin është hedhja me balona.
Kjo është teoria e mbështetur nga agjencia qeveritare KCNA, sipas së cilës virusi ka mbërritur në vend për shkak të fletushkave të kundër propagandës së kryer nga balonat e lëshuara nga aktivistët e Koresë së Jugut.
Agjencia citon një hetim që filloi pas infektimit të një ushtari 18-vjeçar dhe një fëmije 5-vjeçar, të cilët do të ishin “rastet e para të etheve” për shkak të kontaktit me “objekte aliene”, pra balona dhe fletushka.
Zona e “epidemisë së parë malinje” është ajo e Ipho-ri, në provincën e Gangwon. Sipas qeverisë, virusi mbërriti në Phenian në mes të prillit përmes njerëzve nga ajo zonë.
Rezultatet e hetimit, të publikuara dje nga qendra shtetërore për parandalimin e epidemisë dhe emergjencave, ishin tashmë dorëzuar dhe miratuar nga Komiteti Qendror i Partisë së Punëtorëve me miratimin e liderit Kim Jong-Un.
Komiteti gjithashtu urdhëroi lëshimin e udhëzimeve emergjente për mbikëqyrje “Mbi objektet aliene” të mbartura nga era apo fenomene të tjera klimatike nga balonat në zonat përgjatë kufirit.
Fletëpalosjet kanë qenë një burim tensioni midis dy Koreve, me shtetin vetmitar që i bën thirrje qeverisë jugore të marrë masa më të ashpra për të ndaluar “fushatën e shpifjes”, duke kërcënuar me një përgjigje ushtarake.