Pijet e gazuara kanë një sasi të madhe të sheqerit dhe janë ndër shkaktarët e shfaqjes së diabetit. Konsumimi i rregullt i pijeve të gazuara, sidomos në masë të madhe, paraqet rrezik për jetën.
Kaloritë e tyre shtesë “të fshehura”, të cilat nuk kanë asnjë vlerë ushqyese, janë të lidhura me mbipeshen, por edhe me sëmundje serioze kronike siç është diabeti. Sidoqoftë, duket se versionet e tyre të lehta (light) nuk janë edhe aq “të pafajshme”. Në të vërtetë, gjetjet nga hulumtimet e reja kanë treguar që njerëzit të cilët konsumojnë shpesh këtë lloj pije kanë deri në 17% më shumë gjasa të humbin jetën para kohe sesa ata që respektojnë masën.
Studimi, i botuar më 3 shtator 2019 në revistën JAMA Interior Medicine dhe i përpiluar nga një pjesë e Organizatës Botërore të Shëndetit ka lidhur konsumin e pijeve të gazuara me zhvillimin e sëmundjeve që shkaktojnë vdekje të parakohshme. Hulumtuesit studiuan më shumë se 450,000 qytetarë evropianë nga 10 vende të ndryshme, të cilët në fillim të studimit nuk vuanin nga kanceri, zemra ose diabeti. Sondazhi zgjati rreth 16 vjet dhe gjatë kësaj periudhe rreth 41,700 pjesëmarrës humben jetën pasi nga konsumi tyre u përkeqësua gjendja e tyre shëndetësore.
Ata që preferuan pijet freskuese me gaz, kishin prirje të zhvillonin sëmundje kardiovaskulare, ndërsa ata që zgjodhën sheqerna humbën jetën për shkak të sëmundjeve të stomakut ose mëlçisë.