Kim Kardashian tha se do të hiqte dorë “absolutisht” nga karriera e saj televizive nëse do t’i duhej që të fokusohej në të qenit avokate “me kohë të plotë”.
Ylli televiziv i bëri këto deklarata gjatë një paneli të samitit të ‘Time 100’ duke thënë se do dëshironte të ishte e angazhuar si avokate.
“Do të isha po aq e lumtur të isha një avokate me kohë të plotë”, tha ajo kur u pyet nëse do të konsideronte ndonjëherë të largohej nga ekrani.
Kardashian, 42 vjeçe, shtoi se shpreson që luftimi i padrejtësive në sistemin e burgjeve të vendit do të jetë “vepra më kuptimplotë e jetës së saj”.
“Unë gjithmonë bëj shaka me nënën time (e cila është menaxherja ime) them, ‘Kim K. po del në pension për t’u bërë avokate’”, u shpreh më tej ajo.
Themeluesja e “Skims” shtoi: “Unë do të shpenzoja shumë kohë duke e bërë këtë, me kamera ose pa kamera”.
Kardashian tutje tregoi se rrugëtimi për t’u bërë avokate i ka hapur sytë.
Kim ishte pjesë e “Keeping Up With The Kardashians” i cili debutoi në vitin 2007, për 20 sezone derisa nënshkroi me Hulu për shfaqjen e tyre të re “The Kardashians”, e cila u shfaq vitin e kaluar.
Me kalimin e viteve, karriera e Kim u zgjerua përtej televizionit pasi ajo lançoi markën e saj të veshjeve “Skims” dhe markën e bukurisë SKKN by Kim (ish-KKW Beauty.)