Klasa e mesme po pakësohet, thotë një studim i fundit i OECD-së. Të përballur me ngadalësimin e rritjes së pagave, rritje të çmimit të shtëpive, kërcënimin nga robotët në punën e tyre, grupi me të ardhura mesatare, të ardhurat e të cilëve janë mes 75% dhe 200% të të ardhurave mesatare kombëtare, janë zvogëluar në 40 vendet më të mëdha të botës.
Rreth 70% e brezit “Baby boomer”, brezi i të lindurve nga 1946 në 1964, ishin pjesë e klasës së mesme në të 20-tat e tyre, krahasuar me 60% të brezit të Mijëvjeçarëve. Në këtë studim OECD (Organizat për Bashkëpunim Ekonomikk dhe Zhvillim) rekomandon fokusim tek shkurtimi i taksave si dhe reformat në strehim dhe arsim.
Sipas The Guardian, pamja e jetës moderne për familjet e klasës së mesme në të gjithë botën sugjeron se brezave të rinj gjithnjë e më shumë i mohohet mundësia e ngjashme e prindërve të tyre.
Angel Gurria, sekretari i përgjithshëm i OECD-së, thotë: Sot shtresa e mesme duket gjithnjë e më shumë si një anije në ujëra me shkëmbinj. Qeveritë duhet të dëgjojnë shqetësimët e njerëzve, të mbrojnë dhe promovojnë standardet e jetesës së klasës së mesme. Kjo do të ndihmojë në nxitjen e rritjes ekonomike gjithëpërfshirëse dhe të qëndrueshme dhe krijimin e një shtrese më të qëndrueshme dhe shoqërore”.