Banorët e fshatit Ketë në njësinë administrative Xibër nuk janë dakort të ndërtohet HEC-i pranë fshatit të tyre.
Sali Muça, kryetar i këtij fshati i është drejtuar Bashkisë Klos dhe firmës ndërtuese Henz Energi të sqarojë banorët e zonës në lidhje me; projektin e ndërtimit të HEC-it, hartën dhe planimetrinë e ndërtimit të objektit, raportin e ndikimit në mjedis të HEC-it, lejen mjedisore, protokollin e dëgjesës me publikun si dhe planin e rehabilitimit mjedisor.
“Duam sqarime, shprehet Muça, cili nga banorët ka qenë në dëgjesat e organizuara. Në se dikush ka firmosur pa dijeninë e banorëve të fshatit Ketë ne do ta kallzojmë pranë organeve të drejtësisë. Nuk mund të lejojmë dëmtimin e florës dhe faunës. Së dyti, jemi të indinjuar nga sjellja aspak korrekte e Policisë”.
Nga ana e dikasterit të Infrastrukturës dhe Energjisë sqarohet se për disa nga çështjet e trajtuara nga banorët do të kërkohet informacion pranë institucioneve vendore të Matit dhe Klosit. /tirananews.al/
