Prezantimin e kandidatit socialist Agron Malaj në fshatin Macukull të Matit e bëri sot Sekretari i Përgjithshëm i PS-së Blendi Klosi.
“Kemi realizuar më shumë se 100 projekte të rëndësishme në Bashkinë e Matit dhe kemi aktualisht në proçes edhe 47 objekte të tjera. Në Macukull kemi realizuar elektrifikimin e plotë, kemi ndërtuar ujësjellësin dhe kemi nisur asfaltimin e rrugës. Këto janë premtime të mbajtura, por ne do të vazhdojmë punën për t’u ndodhur pranë banorëve të kësaj zone”, u shpreh Agron Malaj para banorëve të fshatit malor.
“Puna e Agron Malaj në Mat flet vetë. Ai është një model suksesi në gjithë Shqipërinë. PS dhe kandidati ynë nuk i parë njerëzit si të majtë apo të djathtë. Investimet nuk kanë ngjyrime politike.”, tha Klosi në fillim të fjalës së tij.
“Agron Malaj është kampion i investimeve në rrugët rurale. Në Qarkun e Dibrës janë në garë të hapur 60 kandidatë. Ju duhet të votoni për njeriun që ka punuar për këtë trevë. Agron Malaj në Parlamant i jep peshë Matit. Ju duhet të jeni racional dhe të votoni për vazhdimin e investimeve dhe vazhdimin e karrierës së Malajt”, u shpreh numri dy i PSSH-së për zgjedhësit e Macukullit.