Ilir Meta do të kandidojë për të marrë mandatin e deputetit në Fier. Kjo falë koalicionit me Berishën. Meta thotë se koalicioni “Aleancës për Shqipërinë Madhështore”, ka përballë një kundërshtar që sipas tij është i konsumuar.
”Humbja e organizatës kriminale do të jetë një çlirim për të gjithë vendin madje edhe për vetë socialistët e shtypur për një vend pune apo bukën e gojës. Potenciale të jashtëzakonshme njerëzore, intelektuale, profesionale do të çlirohen dhe Shqipëria Madhështore do të jetë e të gjithëve”.
- Ndalimi i shpopullimit.
- Dyfishimi i pagave dhe pensioneve.
- Arsimi dhe fuqizimi i kapitalit njerëzor.
- Fuqizimi i Bujqësisë dhe Ushqimit.
”Partia e Lirisë është e vendosur të mbajë dhe rrisë peshën e saj në këtë përballje vendimtare. Ajo i ka të gjitha potencialet për të arritur një rezultat historik dyshifror në këto zgjedhje. Me përjashtim të dy qarqeve nuk ekziston asnjë qark ku Partia e Lirisë nuk e ka mundësinë për të marrë të paktën një mandat në koalicion, përmes përzgjedhjes së emrave sa më aktivë, përfaqësues dhe konsensualë në listat e hapura”,-shkruan Meta.