Deputeti i PS-së, Petro Koçi, është shprehur se çështja e zgjatjes së Vettingut nuk lidhet me ndonjë platformë që kërkon një bashkëpunim mes PS dhe PD.
Koçi u shpreh se thirrja e ndërkombëtarëve për zgjatjen e Vettingut është një thirrje ndaj ndërgjegjes së çdo deputeti.
“Çështja e zgjatjes së Vettingut nuk lidhet me ndonjë platformë që kërkon një bashkëpunim mes PS dhe PD. Nëse vëmë re se thirrja ndërkombëtarëve është një thirrje ndaj ndërgjegjes së çdo deputeti për zgjatjen e vettingut, si një çështje e rëndësishme e reformës në drejtësi.
“Unë besoj se është një çështje individuale sesa partiake, nuk besoj se duhet konsideruar si një platformë bashkëpunimi mes PS dhe një pjese të PD. Mendoj se shumica e deputetëve të Kuvendit kanë arsye për të mbështetur këtë projekt që vjen nga ndërkombëtarët”, u shpreh ai.
Ndër të tjera ai tha se reforma në drejtësi ka pasur sukses, ndërsa shton se një faktor i rëndësishëm që ka ndikuar ka faktori ndërkombëtar.
“Për mua reforma është e justifikuar sepse procesi ngriti një rrjet ku peshqit e korruptuar të drejtësisë u kapën dhe tashmë janë jashtë drejtësisë. Besoj se është një refomrë shumë e justifikuar dhe fakti se është bërë një drejtësia është bërë më kurajoze e dëshmon këtë. Por besoj se kjo është meritë dhe e një presioni ndërkombëtar. Në perceptimin qytetar ka më shumë uri për veprim, ka personazhe të politikës që në perceptimin e shoqërisë quhen si fajtor”, tha deputeti Koçi.