Ministria e Shëndetësisë dhe Mbrojtjes Sociale prezantoi një projekt të ri 3-vjeçar që synon të luftojë dhunën me bazë gjinore.
Synimi kryesor është të forcojë qeverisjen e përgjegjshme gjinore përmes mekanizmave të koordinuar të referimit ndaj dhunës në nivel bashkiak. Të forcojë barazinë, të promovojë fuqizimin e grave dhe respektimin e të drejtave të njeriut. Po ashtu të reduktojë dhunën ndaj grave dhe vajzave, në 9 bashki. Që janë: Tiranë, Vlorë, Korçës, Pogradec, Dibër, Klos, Kolonjë, Konispol dhe Selenicë.
Ministrja Albana Koçiu theksoi se ky projekt 3-vjeçar do të ndihmojë në forcimin dhe ofrimin e shërbimeve të specializuara për viktimat e dhunës. Kjo duke fuqizuar më tej kapacitet kundër dhunës në qeverisjen vendore. ”Aktualisht ofrohen 84 shërbime sociale në të gjithë vendin dhe 9 qendra të dedikuara për mbështetjen e viktimave të dhunës. Synimi ynë është të zgjerojmë dhe fuqizojmë më tej këtë rrjet ndihme”, u shpreh Koçiu.
Ministrja shton se ky projekt është një hap konkret drejt zbatimit të Strategjisë Kombëtare për Barazinë Gjinore 2021-2030. Që po ashtu synon të krijojë një mjedis ku çdo grua dhe vajzë mund të jetojë pa frikë, me dinjitet dhe të drejta të barabarta. Koçiu shprehu besimin se puna e përbashkët, nën moton nuk ka asnjë justifikim për dhunën.
