Ministrja e Shëndetësisë dhe Mbrojtjes Sociale, Albana Koçiu ka uruar Ina Majkon, e cila u emërua pak ditë më parë në pozicionin e zëvendësministres së Shëndetësisë dhe Mbrojtjes Sociale. Për të në çdo skuadër ka kapituj që mbyllen dhe të rinj që nisin, gjithmonë me energji të reja përpara.
Këshilli i Ministrave vendosi lirimin nga detyra të zëvendësministrit të Shëndetësisë dhe Mbrojtjes Sociale, Niko Hyka dhe emërimin në këtë detyrë të Majkos. Ky vendim u mor në mbledhjen e qeverisë në datën 2 korrik, në mbështetje të ligjit “Për organizimin dhe funksionimin e Këshillit të Ministrave”, me propozimin e Kryeministrit, Edi Rama.
”Në çdo skuadër ka kapituj që mbyllen dhe të rinj që nisin, gjithmonë me energji të reja përpara. Një falënderim i madh për Niko Hyka për bashkëpunimin dhe gjithë kontributin gjatë këtyre muajve. Mirë se erdhe Ina Majko, suksese në këtë rrugëtim të ri si pjesë e ekipit tonë”,-shkruan Koçiu.