Këshilli i Ministrave ka miratuar marrëveshjen që bën të mundur hapjen e degës së Kolegjit të Europës në Tiranë. Ky është i pari kampus që hap dyert jashtë një vendi të Bashkimit Europian.
Ministrja e Arsimit, Ogerta Manastirliu tha se qeveria do të financojë 5 bursa vjetore për studentët shqiptarë. Manastirliu nënvizoi edhe se ky Kolegj do jetë një mundësi e madhe jo vetëm për të rinjtë në Shqipëri, por edhe ata në vendet e rajonit.
“Kemi miratuar marrëveshjen që bën të mundur hapjen e degës së Kolegjit të Europës në Tiranë. Do jetë i treti pas Bryzhit dhe Natolinit. Do i hapë studimet në këtë vit akademik. Qeveria është e angazhuar që përmes kësaj marrëveshje të iniciojë aspektet që kanë të bëjnë me ndërtimin e kampusit të Kolegjit të Europës, financon 5 bursa vjetore për studentët shqiptarë.
Për herë të parë një filial i një universiteti prestigjioz hap degë në Shqipëri. Kampusi i Kolegjit të Europës do sjellë standardet të njëjta, duke u bërë vendi i tretë që hap këtë degë. Është një mundësi e madhe për studentët të rinjtë, por edhe ata të rajonit. Aplikimet për ciklin e studimeve 4024-2025 janë realizuar”, tha Manastirliu.