Kompania ‘Meta’ do të fillojë etiketimin e përmbajtjeve të krijuara nga Inteligjenca Artificiale në Facebook dhe Instagram nga maji e tutje, ka njoftuar gjiganti i teknologjisë. Deri më tani, kompania kishte një politikë të fshirjes së përmbajtjeve të tilla.
Kompania do të aplikojë etiketat “Made with AI” për përmbajtjen e fotografive, audio ose video të krijuara me inteligjencë artificiale, shpjegoi në një postim në blog të premten. Këto etiketa ose do të aplikohen automatikisht kur Meta zbulon sinjalet e përmbajtjes së AI, ose kur përdoruesit zbulojnë vullnetarisht se diçka që ata postojnë është krijuar me AI.
Aktualisht, politika e Metës për ‘median e manipuluar’ mbulon vetëm videot që janë “krijuar ose ndryshuar nga AI për ta bërë një person të duket se thotë diçka që nuk e ka thënë”. Përmbajtja që shkel këtë politikë hiqet në vend që të etiketohet.
Politika e re e zgjeron këtë rrjet te videot që tregojnë dikë që “po bën diçka që nuk e ka bërë” dhe te fotot dhe audiot.