5 raste të reja me Covid-19 janë konfirmuar në qytetin e Gjirokastrës. Sipas Top Channel bëhet e ditur se rastet në fjalë dyshohet se janë punonjës të institucioneve publike.
Kujtojmë se ditën e stome numri i viktimave me covid-19 në vendin tonë, nga fillimi i epidemisë, ka shkuar në 48. Ndërkohë Instituti i Shëndetit Publik në një status në Facebook ka këshilluar qytetarët që të bëjnë kujdes e të zbatojnë masat për të parandaluar përhapjen e Covid-19.
Sipas ISHP, e vetmja mënyrë për të ndaluar përhapjen e infeksionit është duke ruajtur distancën fizike prej të paktën 1 metër nga njëri tjetri si dhe duke u kujdesur për higjienën personale.