Në një artikull në mediat shtetërore të Koresë së Veriut thuhet se konflikti me grupet palestineze ka ardhur si rezultat i veprimeve kriminale të Izraelit.
Artikulli thekson më tej se zgjidhja kryesore e konfliktit është një shtet i pavarur palestinez.
“Kim dënon ashpër Izraelin për masakrën ndaj Palestinës dhe përdorimin brutal të dhunës kundër demonstruesve paqësorë që kërkonin të drejtat e tyre legjitime. Ai ripohoi mbështetjen dhe solidaritetin e pandryshueshëm të DPRK-së me kauzën e drejtë të popullit palestinez për të ndërtuar një shtet të pavarur dhe për të fituar të drejtat e tyre legjitime të patjetërsueshme”, shkruhet në gazetë.