Deputeti demokrat Sajmit Korreshi, nga foltorja e Kuvendit, u shpreh se bujqësia është në ditët e saj më të zeza.
“U reklamua rrushi po e mira është të mos dalin vetëm nga anët e PS-së. Bujqësia është në dotën e saj më të zezë. Mund të shohim në Lushnjë se sa dramatike është situate. Zgjidhja e bujqësisë bëhet vetëm me selfi. Nuk vaditet toka. Ata ngelën me telefon në dorë. Dhe grurin dhe misrin nuk po i shesin dot.”
Ai nuk i ka kursyer ironitë me qeverinë kur tha se përfaqësues të PS kanë shkuar dhe kanë takuar fermerët, por kanë bërë vetëm “selfie” dhe nuk janë interesuar për problemet reale
“Mirë do ishte mos të kishin vajtur ata fermerë të PS, të kishin dalë dhe nga anët tona, se ka njerëz që jetojnë në këtë shtet dhe që nuk janë nga PS. Ka tre ditë që fermerët dalin në arë për selfie dhe nuk vaditet toka. Prapë se prapë nuk po i shesin dot, dhe grurin dhe misrin. O na tregoni si ndodh që kur bën selfie të ecë situata, ose nuk kemi gjë në terezi. Akoma grurin e kemi nëpër magazinë, nuk është shitur sepse duhet të pyesni sa është kuintali. Iku gruri erdhi misri… Pyesin nga Lushnja, ore kush i mori këto subvencionet? Pse u ndanë tollonat e naftës vetëm një ditë para zgjedhjeve, ka dhe një kallëzim nga unë për këtë? Verifikojeni! Bujqësia është në ditën e saj më të zezë. U ftoj të dilni një ditë me mua që të shikoni situatën. Dhe këto inputet nga Tirana, po si ka mundësi që si fiton një lushnjar?!… Dhe një këshillë për ministrin e Lushnjes, tani që u bë Ministër, se ne jemi si të trembur vetë, ne nga Lushnja, nuk ka nevojë të na bërtisni me policë rrugëve”, tha ai.