Gjatë periudhës janar-nëntor të këtij viti, qeveria e Kosovës ka dhënë 6 milionë euro për mbrojtjen e të akuzuarve në Hagë, si dhe për mbështetjen financiare të familjareve të tyre.
“Për mbrojtjen e të akuzuarve në Hagë si dhe mbështetjen financiare të familjareve të tyre gjatë këtij viti, janar e deri më sot, janë shpenzuar 6,304,327.67€”, u shpreh Ministria e Drejtësisë së Kosovës.
Kujtojmë që ish-presidenti i Kosovës Hashim Thaçi dhe njëkohësisht ish-drejtori politik i Ushtrisë Çlirimtare të Kosovës, gjendet në Hagë që prej 5 nëntorit 2020.
Bashkë më Thaçin, të akuzuar janë dhe ish-eprorët e tij të UÇK-së, si Kadri Veseli, Jakup Krasniqi dhe Rexhep Selimi. Të akuzuar janë edhe Salih Mustafa dhe Pjetër Shala në cilësinë e ish-pjesëtarëve të UÇK-së.