Situata politike në vendin tonë duket sikur nuk do të marrë një zgjidhe. Por politologu Afrim Krasniqi ka propozuar dy zgjidhje të cilat mund t’i japin fund krizës. Ai është shprehur se Rama sipas sondazheve është mirë dhe se nuk do t’i kushtonte asgjë sipas tij nëse pranonte të shkonte në zgjedhje të parakohshme. Ndërsa nga ana tjetër opozitës i sugjeron që liderët politikë të dalin dhe të thonë se ata nuk do të kandidojnë për Kryeministër.
Mustafa Nano: Ju thoni se do të vijë një moment që palët do të ulen edhe nën presionin ndërkombëtar. Nëse ju do të ishin një njeri i afër i Bashë, Berishës dhe Ramës çfarë do u zgjeronit dhe nga kush e prisni zgjidhjen?
Afrim Krasniqi: E para gjithmonë kur ka kriza i zoti i shtëpisë ka më shumë përgjegjësi dhe në këtë rast bëhet fjalë për Kryeministrin dhe kush do të ishte zgjidhja… Kryeministri në të gjitha sondazhet e tij rezulton se nuk është keq. Dhe në mënyrë automatike përdorimi i mandati kushtetues për të shkuar jo në zgjedhje të parakohshme por në një marrëveshje që mund të çojë në një moment zgjedhje për testim absolutisht nuk i prish punë por i bën nder Shqipërisë sepse vetë mazhoranca nuk po arrin dot të qeverisë. Ju po e shikoni se 20 emra po qarkullojnë në të gjitha postet etj. Janë 20 emra që nuk kanë lidhje politike pro janë miqtë e ngushtë që kanë ngelur. Ndërsa nga opozita unë do të prisja një zgjidhje radikale. E bëri Turqia dhe e kanë bërë edhe vende të tjera, që liderët politikë të deklarojnë publikisht që nuk do të jenë kandidatë për Kryeministër, që të ofrojnë një rikonceptim të opozitës dhe me një strategji të re.
Mustafa Nano: Ajo e para mendoj se mund të ndodhi por për mua mendoj se do të ishte e padrejtë. Gjendja këtu është e vështirë dhe është e vërtetë ajo që thoni ju se Rama po qeveris me 20-30 vetë dhe mirë do ishte që të rrëzohej kjo kështjellë që ai ka ngritur. Por të veprosh në rrethana ultimatumi mua më duket sikur po krijohet një precedent. Unë nuk mendoj se njerëz që marrin vendime të tilla duhen shpërblyer.
Afrim Krasniqi: Unë jam dakord me ty parimisht por nëse thau sot se po propozoj një paketë për reforma dhe thua paketa ime është kjo dhe për 6-muaj unë jam gati të shkoj në zgjedhje të parakohshme zgjidhte kriza politike për 5 minuta. Me këtë merr edhe meritën e reformatorit sepse prandaj i ke fituar edhe zgjedhjet sepse ke thënë unë jam ndryshe nga të tjetër dhe duhet ta tregosh që je ndryshe nga të tjetër./abcnews