Noizy i cili performoi këngën zyrtare të fushatës së PS, ka shprehur mbështetjen për kryeministrin Edi Rama, ndërsa theksoi se vota e tij do të shkojë për këtë forcë politike. Noizy tregon pa rezerva se periudha qeverisëse e PD i kujton rrëmujë dhe një errësirë, të cilën thotë se nuk dëshiron të përjetojë sërish. Në fund të shkrimit të tij, reperi thekson se Rama është i vetmi lider që mund t’i ribesohet drejtimi i vendit.
“Shiko, po e them një herë e mirë se çfarë mendoj dhe besoj. Familja ime dikur ishte me PD. Mirëpo unë personalisht kam kujtime dhe eksperienca jo të këndshme nga ajo periudhë më kujton një rrëmujë, një errësirë dhe as nuk dua ta imagjinoj të jetoj asnjë ditë si ajo kohë.
Me të thënë të drejtën, unë as nuk i shoh programet e partive. Sepse për mua, kushdo ta fitojë, unë prapë i njëjti jam dhe i njëjti do të mbetem: ai që fle i fundit dhe zgjohet i pari, ai që fle më pak se 5 orë gjumë gati çdo ditë, ai që shkon në punë pa orar, për të arritur atje ku asnjë artist rap shqiptar s’ka arritur kurrë.
Unë shoh individët kush drejton cilën parti dhe kush janë ministrat e deputetët e secilës parti. Dhe a mund t’u besoj unë këtyre individëve t’u jap votën time për vitet e ardhshme? Deri tani, me të thënë të drejtën, s’ma mbush syrin askush përveç Ramës.
