Më shumë se katër vatra zjarri vijojnë të jenë aktive në pyjet e Matit. Masivet me dushqe mes rretheve Mat e Mirditë, në fshatrat Urakë, Kodër Lac e Perlat po shkojnë drejt djegjes totale.
Veç drurëve, kullotave e faunës së veçantë po digjen edhe gjallesat e tjera të rralla në këto pyje të begata. Po shkrumbohen kafshë, shpendë, gjitarë e gjallesa të tjera.
Matjanët japin alamimin se po digjen iriq, breshka e shpendë të ndryshëm, ndërkohë që lepuj, dhelpra e ujqër janë “arratisur” nga pyjet e kësaj treve.
Deri tani mendohet se zjarre janë të qëllimshme pasi ato shkaktohen gjatë orëve të natës, siç ndodhi mbrëmë në pyjet e njësisë administrative Rukaj.
Gjendja paraqitet alarmante ndërkohë ende nuk ka persona të ndaluar apo të arrestuar nga Policia.