Kristi zbuloi në “Shqipëria Live” se lidhja e tij e re po shkon shumë mirë dhe se çdo gjë ka marrë një drejtim serioz, pasi ka takuar edhe prindërit e të dashurës.
Ndërkohë që ka përmendur faktin që ka takuar prindërit e të vajzës që i ka rrëmbyer zemrën, Arjon Muça e ka ngacmuar duke e pyetur nëse prindërit i ka takuar brenda apo jashtë Big-ut?
Pavarësisht se kjo batutë është shoqëruar me të qeshura, Kristi ka thënë: “Dëgjo se këtë e kam traumë, që ekziston brenda meje ajo situata që u krijua tek Big-u”.
“Me ardhjen e Sabianit, e ke fjalën”, pyet Erjona.
“Absolutisht”, përgjigjet Kristi.
“Po pse është një traumë?“, pyet Erjona
“Eshtë traum sepse përfshihet një gjë më shumë se sa një dalje në skenë ose një lojë. Implikohet një marrëdhënie, bëhet shumë komplekse pastaj babai i të dashurës tënde është një figurë autoritare, vëzhguese, kritike dhe që do gjithmonë më të mirën e vajzës. Kështu që, në këtë aspekt, babai i të dashurës është një figurë e frikshme sepse në një farë mënyrë me atë bën luftë por ky nuk është rasti i Sabianit”, shtoi Kristi.