Është përkujtuar këtë të martë 20-vjetori i eksodit të kosovarëve. Në kujtim të eksodit të vitit 1999 ku më shumë se një milionë shqiptarë të Kosovës u dëbuan nga shtëpitë e tyre, pas 20 vitesh është improvizuar një tjetër eksod në kohë paqeje, ku në mënyrë simbolike me qindra qytetarë nga Kosova kanë kaluar kufirin Vërmicë -Morinë për të mbërritur në Kukës. Në përkujtim të 20 vjetorit ishte i pranishëm edhe Ministri i Diasporës, Pandeli Majko ish- kryeministër në kohën e luftës, raporton tirananews.al.
Por ajo që ra në sy është edhe vendimi i marrë nga Kryetari i Bashkisë së Kukësit, Hasan Halilaj, i cili pranoi sot që të priste Pandeli Majkon, por refuzoi të takonte Kryeminisrin Edi Rama pak kohë më parë.
Emri i Pandeli Majkos rezulton si një nga më të përfolurit për drejtimin e një qeverie tranzitore, nëse Edi Rama do të dorëhiqej para zgjedhjeve. / tirananews.al