Kryebashkiaku i Matit dhe e gjithë administrata janë vënë prej tri ditësh në shërbim të PD-së, për organizimin e protestave që pritet të zhvillohen gjatë fillimshkurtit.
Dje me kryetarin e Bashkisë Nezir Rizvani u takua deputetja Dhurata Cupi. Ajo i kërkoi angazhimin maksimal të të gjithë punonjësve për të qenë të pranishëm në protesta, për të bllokuar rrugët në Milot dhe pastaj për t’iu bashkuar opozitës në Tiranë.
Ndërsa sot Rizvani dhe vartësit e tij “ndezën motorët” dhe mbushën sallat e bashkisë, ndërkohë që “flamurin” e takimeve i kishin marrë Gëzim Kalaja, me gjasma sindikalistët e Matit, dhe Kreshnik Collaku me gjasme të persekutuarit politikë.
Ish drejtues të ndërmarrjeve, punonjës të Policisë Bashkiake, antarë të PD-së Mat, të punësuar në sektorë të ndryshëm dëgjuan thirrjet patetike të Kalasë e Collakut. Këto të fundit nuk folën për heshtjen e gjatë për statusin e minatorëve, për problemet e mëdha që kanë lindur në administratën e bashkisë, për mungesën e shërbimeve ndaj qytetarëve, etj, por u bënë thirrje matjanëve të “rrëzojnë me cdo cmim qeverinë Rama”
Burime të rezervuara thanë se Kalaja është vënë në krye të një grupi “sindikalist” që merren me shpërndarjen e parave për militantët që pranojnë të protestojnë.