Në Manzë të Durrësit ka nisur puna për ndërtimin e gjimnazit të ri. Kryeministri Edi Rama ka postuar foto gjatë momente nga nisja e punimeve për ndërtimin e gjimnazit.
“Nis puna për ndërtimin e gjimnazit të ri në Manzë, një investim i bashkisë së Durrësit, e cila do të ofrojë kushte bashkëkohore mësimdhënie për 324 nxënësit dhe stafin pedagogjik të kësaj shkolle”, shkruan Rama.
Gjimnazi do jetë i pajisur me sistem ngrohje, mjedise sportive, kabinete shkencore dhe informatike, si dhe bibliotekë të pasuruar. Kjo godinë do të ofrojë një mjedis mësimor më të mirë dhe më të përshtatshëm për të gjithë nxënësit.
