Kryetarja e Gjykatës Kushtetuese, Hola Zaçaj këtë të hënë po tregon në një konferencë, bilancin për vitin 2023. Ajo tha se Kushtetuesja nuk ka stok dosjesh të prapambetura si asnjë gjykatë tjetër në vend. Ajo tha se parimet që e kanë udhëhequr gjykatën janë paanshmëria, transparenca dhe eficenca.
“Trupa gjyqësore e plotësuar ka trajtuar çështje të rëndësishme. Parimet që e kanë udhëhequr gjykatën janë paanshmëria, transparenca dhe eficenca. Duke u kujdesuar dhe angazhuar për të respektuar afatet procedurale dhe dhënies së argumentimeve të vendime, gjykata ka synuar cilësinë e vendimmarrjes. Shqyrtimi rezulton me kohëzgjatje afro 8 muaj, 452 kërkesa, 367 kërkesa të regj në 2023 dhe 85 kërkesa të mbartura në 2022. Në vitin 2024 janë mbartur 93 çështje nga viti 2023. Gjykata Kushtetuese nuk ka stok çështjesh të prapambetura si asnjë gjykatë tjetër”, tha Zaçaj.
Lexo edhe :
Related Posts
Nga ana tjetër, Zaçaj u ndal edhe tek buxheti për Gjykatën Kushtetuese, duke thënë se nuk është i mjaftueshëm. ”Gjykata ka bërë përpjekje të vazhdueshme për përmbushjen e objektivave me qëllim dhënien e një drejtësie funksionale. Në kushtet e një buxheti të panevojshëm gjykata mori nisma konkrete për përmirësimin, miratimin e rregullores për funksionimin e administratës, rregulloren për komunikimin e gjykatës me median dhe ridimensionimi i marrëdhëniet me të dhe publikun”.