Presidenti i Republikës, Ilir Meta ka vizituar sot Metropolitinë e Korçës, nga ku ka dhënë një deklaratë për mediat.
I pyetur se kur do të kthehen pronat për shumë institucione fetare, Meta tha se këtë çështje e pengon vetëm korrupsioni qeveritar, duke shtuar se ka apeluar vazhdimisht për zgjidhjen e problematikës.
Kreu i Shtetit e konsideroi të rëndësishme këtë proces, me qëllim që institucionet fetare të bëjnë më shumë për besimtarët dhe qytetarët, në shërbim edhe të shtresave në nevojë.