Prej disa ditësh moti i ftohtë ka mbizotëruar në vend, ndërkohë që edhe ditën e nesërme pritet të jetë i njëjtë.
Instituti i Gjeoshkencave, Energjisë, Ujit dhe Mjedisit parashikon që edhe ditën e nesërme në vend do të ketë reshje mesatare, deri lokalisht intensive në disa qarqe.
Reshjet do të jenë në formë dëbore në gjysmën lindore të vendit dhe në terrenet malore. Në pjesën perëndimore, ato do të jenë fillimisht në formë dëbore, por më pas priten edhe reshje shiu (ose shi i përzier me dëborë).
PARASHIKIMI
RESHJET
Sot pasdite (e martë dt.08) nuk priten reshje. Nesër (e mërkurë dt.09) priten reshje mesatare, deri lokalisht intensive në disa qarqe (siç tregohet në tabelë, respektivisht për secilin qark).
Ato do të jenë në formë dëbore në gjysmën Lindore të vendit dhe në terrenet malore. Në pjesën Perëndimore, ato do të jenë fillimisht në formë dëbore, por më pas priten edhe reshje shiu (ose shi i përzier me dëborë).
TEMPERATURAT
Ato do të pësojnë një rritje të ndjeshme, sidomos në vlerat minimale (me deri 5 gradë rritje).
Më konkretisht, nesër (e mërkurë dt.09) temperaturat minimale dhe maksimale të ajrit pritet të arrijnë:
në bregdet: 0 / 8 °C
në vendet e ulëta: – 1 / 6 °C
në vendet malore: – 8 / – 1 °C
ERA
Sot pasdite (e martë dt.08) pritet të fryjë e lehtë, ndërsa nesër (e mërkurë dt.09) ajo pritet të fryjë e lehtë deri mesatare.