Shefi i laboratorit të mikrobiologjisë në QSUT, Andi Koraqi, njëkohësisht edhe ekspert i Komitetit Teknik që menaxhon situatën e pandemisë thotë se e rëndësishme është që shifrat e rasteve ditore të jenë në këtë nivel, pasi nuk pritet të kemi ulje drastike të tij për shkak të hapjes së vendit dhe shtimit të kontakteve.
Në një lidhje për Nevvs 24 ai thotë se testimet janë shtuar pasi janë shtuar kontaktet dhe koha e qëndrimit me njëri-tjetrin e për rrjedhojë edhe numri i testeve.
“E rëndësishme është të kemi këtë nivel, po sigurisht që nuk pritet të kemi ulje drastike të numrit për faktin e hapjes dhe kontakteve të vazhdueshme me njëri-tjetrin, shtimit të numrit të kontakteve dhe kohëqëndrimit të kontakteve me njëri-tjetrin. Nuk preim ulje drastike të numrit. Gjithë qëllimi është që kurba të rrijë në këto nivele”, tha ai.
Ai paralajmëroi njerëzit që të kenë kujdes në plazhe dhe pishina p[asi virusi mbijeton në ujë të ëmbël e të kripur.
“Vajtja nëpër plazhe janë viruse që jetojnë në ujëra të ëmbla dhe të kripura, janë të ndjeshëm ndaj dezinfektatëve po duhet pasur kujdes. Kujdes dhe në plazhe jo vetëm për faktin se mund të jetë i kontaminuar pasi është një sipërfaqe shumë e madhe dhe oërqëndrimi i koronavirusit i vogël, por është e rëndësishme zbatimi i rregullave të distancimit fizik dhe mbajtjes së maskës dhe larjes së duarve”, vijoi ai.
Me rëndësi në këto momente thotë ai është gjurmimi i vatrave ndërkohë që janë përgatitur skenarët nga Komiteti dhe vnedimet i marrin të tjerët në bazë të këtyre skenareve. Ai foli për shtim të kapaciteteve të spitaleve dhe jo për mbyllje të vendit.