Qafa e Llogarasë është kthyer në një rrugë qorre dhe nuk shihet asgjë për kilometra me radhë. Mjegulla e dendur ka bllokuar të gjithë rrugët, si pasojë e motit të keq shkruan Dosja.al.
Deri në afërsi të fshatit Dukat shikueshmëria për drejtuesit e automjeteve është shumë e ulët. Të gjithë ata që kalojnë në këtë rrugë, duhet të bëjnë mjaft kujdes!
Sot është dita e katërt që Shqipëria ndodhet nën pushtetin e ujit që ka sjellë probleme kryesisht në Shkodër, Durrës, Lezhë, Vlorë e Bulqizë. Si pasojë e motit të keq kanë ndodhur shembje masive të rrugëve në Lezhë. Ndërkohë që në Fushë-Krujë rreth 20 banesa janë të rrethuara nga uji. Në Korçë situata është drejt normalizmit, ndërsa në lumin e Devollit ka filluar të ulet niveli i prurjeve të ujit.