Surpriza më e madhe e ditës së katërt të Kupës së Botës, Katar 2022 ishte humbja e Gjermanisë me përmbysje nga Japonia. Ndeshja u mbyll me rezultatin 1-2.
Spanja bëri detyrën, duke fituar me lumë golash ndaj Kosta Rikës, plot 7-0. Belgjikës i mjaftoi 1 gol për të triumfuar ndaj Kanadasë ndërsa Kroacia dhe Maroku u ndanë në barazim pa gola.
Nesër në fushë zbret Cristiano Ronaldo, kombëtarja e Portugalisë do të përballet me Ganën. Po ashtu klasikët e Brazilit do të kërkojnë fitoren ndaj Serbisë.
Tre shqiptarë do të kërkojnë fitoren ndaj Kamerunit, një kombëtare aspak për t’u neglizhuar. Ata janë Xhaka, Shaqiri dhe Jashari që mbajnë veshur fanellat e helvetëve.
