Ardit Gjebrea ka postuar një foto ku ndodhej sëbashku me kantautorin Pirro Çako duke na bërë të gjithëve tejet kuriozë për të mësuar se ç’po ‘gatuajnë’ dy emrat e njohur të muzikës shqiptare. Ashtu si juve, edhe neve na shkoi mendja tek ndonjë bashkëpunim i mundshëm i dyshes, (ky po që do të ishte një super lajm).
“Pirro Çako nuk ndalet! Sapo ka dalë nga ‘furra’ një tjetër super këngë”; ka shkruar Gjebrea nën foton e të dyve. Përderisa Arditi preferoi të mos zbulonte asgjë tjetër rreth këtij projekti, nuk përjashtohet as mundësia që kënga e re e Çakos ta rikthejë atë pas 9 vitesh si konkurrent në Kënga Magjike.