Modelja e fitnesit, Dorina Mema, ka folur sot lidhur me kafshët e saj shtëpiake. Ajo tha se qeni i saj “Boo”, është si një njeri për të dhe e mban gjatë gjithë kohës pas vetes.
Gjithashtu ajo ka treguar edhe shumat marramendëse që ka paguar për shëndetin e qenushit të saj, duke përfshirë edhe veshjet e luksit.
“Unë e marr me vete kudo, e njohin të gjithë. Ky është një njeri. Është i dëgjuar shumë. Unë them se i është lutur zotit të më kishte në shtëpi dhe po kënaqet, e shijojnë pafund. Edhe prindërit tanë po kënaqen sepse ne puna na mban paska larg. E shumta që ka bërë bën nevojat. Shtyp ashensorin vetë. Për këtë qen grabis, u sëmur paguajta 1500 euro për ta kuruar. I kemi blerë një xhup 80 eruo në Bruksel. Qenin nuk e kam marrë asnjëherë në avion. Vendi më luksoz Dhërmiu, edhe pse nuk lejoheshin qentë, unë e kam mbajtur. I kam premtuar qenit se do të shkojmë në një ishull pranë Tajlandës, por ndodhi kjo që ndodhi dhe i anuluam”, tha Dorina.
Më tej, Dorina ka treguar edhe ushqimet e preferuara të qenit të saj, i cili mesa duket ka shije ekzotike. Shpenzimeve të saj i shtohen edhe ato për kavien që ka, i cili është i racës “guinea pig”.
“Boja ha tartar, karkaleca. Ha çfarë kam unë në pjatë. Ha fruta të thata. Kam dhe një Guinea pig, ha vetëm antioksinadë. Majdanoz, luleshtrydhe, mango. Është mi shumë i shtrenjtë,”-shtoi ajo.