Policia e Vorës në Tiranë ka vënë në pranga një 30-vjeçar me precedent penalë në fushën e narkotikëve dhe krimeve ndaj personit. Ai është arrestuar teksa qarkullonte me armë zjarri pa leje.
Kështu, në sajë të operacionit të koduar “Mesnata është ndaluar ne rrugën dytësore në hyrje të Vorës Ergest Hoxha, 30 vjeç. Ai është dënuar më herët me 6 vite burg, i ekstraduar nga Kroacia për veprën penale “Trafikim i narkotikëve” si dhe proceduar për veprën penale “Plagosje e rëndë me dashje”.
Gjatë kontrollit të ushtuar në automjetin tip Audi, në çantën e dorës së këtij shtetasi, Policia gjeti dhe sekuestroi në cilësinë e provës materiale një armë zjarri Pistoletë me një krehër me 7 fishekë, që e mbante pa leje.
Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Prodhimi dhe mbajtja pa leje e armëve dhe municionit luftarak”.