Kontrolli që Policia bëri sot në shtëpinë e Ervis Martinaj është i shoqëruar me disa pikëpyetje ku më kryesorja është, pse pikërisht tani ky operacion, kur kanë kaluar 5 muaj nga zhdukja e tij.
Fillimisht është raportuar se e gjitha ka ardhur nga një telefonatë që përgjigjet i një të burgosuri në një burg të sigurisë së lartë, që mendohet se ka ditur diçka më shumë për fatin e Ervis Martinajt. Mirëpo kush është ky i burgosur? Dyshime të forta janë se bëhet fjalë për Jeton Lamin, efektivi i policisë i cili u arrestua për akuzën e shpërdorimit të detyrës, pasi shoqëronte Martinajn pak ditë përpara se ky i fundit të zhdukej.
Mendohet se ai mund të ketë sjellë aksionin e sotëm në bazën e Ervis Martinajt në Fushë Kuqe.A ka qenë një telefonatë që përgjohej apo ka zgjedhur që të flasë para hetuesve kjo mbetet e paqartë. Ndërkohë që Prokuroria e Kurbinit ka zgjatur me 3 muaj hetimet ndaj efektivit të policisë që ishte dhe një ndër të besuarit e Martinaj.